congerler
اؤن سؤز
قدیم تورک منشألی خالق لارین ائرادان اوّلکی مین ایل لیک لرده سیاسی و ملّی تاریخی اوستو اؤرتولو وضعیّت ده قالماقدادیر.
روس تاریخ چیلری نین آنتی تورک اِموسیاسیندان چیخیش ائتمیش روس تاریخ چیلری ده حقیقتین اوستوندن پرده نی گؤتوره بیلمه دیلر.
آذربایجان اراضی سینده ائرادان اوّل بیرینجی مین ایل لیک ده و بیزیم ائرانین بیرینجی مین ایل لییینده ماننا، مادای، آتروپاتنا و آلبان دؤلتینین قدیم تورک منشألی خالق لارا منسوب اولماسی مسئله سینده تاریخ چیلر آراسیندا فیکیر بیرلییی یوخدور هله ده ماننالی لار هورری دیللی (یا دا ایلام دیللی)، مادای لار و آتروپاتن لیلر ایران دیللی،[1] کاسپی لر و آلبان لار قافقاز دیللی لر ساییلماقدادیر.
آذربایجانلیلار اورتا عصرلرده گلمه تورکلر، سونرالار تورک لشمیش ایران دیللی لر و قافقاز دیللی لر اعلان ائدیلمیشدیر.
عینی وضعیّت قدیم تورک منشألی خالق لارین آنا یوردونا داخل اولان اورتا آسیادا و قافقازیستان دا دا حکم سورور.
اورادا دا ائرادان اوّل 1. جی مین ایل لیک ده و ائرامیزین ایلک عصر لرینده یاشامیش ساک، ماساگِت، اوسون، قوشان و باشقا. ایری طایفا بیرلشمه لرینین ایران دیللی ساییلماسی اوزوندن تورکمن، اؤزبک، قیرقیز و قازاق خالقلاری نین ملّی منشأیی مسئله لرینین آچیلماسی هله لیک ممکن اولمایان دویونه چئوریلمیشدیر.
عمومی آنتی تورک موقعی تورک شناس لیغین ایران شناس لیغین جایناق لارینا کئچمه سینی تأمین ائتمیشدی، اودور کی ایستر آذربایجاندا، ایستر اورتا آسیادا قازینتی لار نتیجه سینده آشکارلانمیش اسکی مدنیّت لر هله ده یییه لرینی تاپا بیلمیر…
بو گون کی آذربایجان جمهوریّتی ائرادان اوّل 1. جی مین ایل لیک ده و ائرکن اورتا عصر لرده ملّی تاریخی نین همین واخت لاردا اورتا آسیانین و جنوب شرقی اروپانین ملّی دونیاسی ایله سیخ علاقه سی واردیر.
ائرکن اورتا عصر لرده آذربایجان و ایندیکی اِرمنستان اراضی لرینده یاشامیش کنگرلر ده محض اورتا آسیا منشألی دیر.
ائرامیزین 4. جو عصرین 80. جی ایل لرینده جنوبی قافقازدا باش وئرمیش حادثه لرده کنگر طایفاسی نین اشتراکی باره ده منبع لرده معلومات لارا راست گلینیر.
ائرکن اورتا عصر لرده کنگرلر اساس اعتبار یله ایکی بؤلگه ده:
آذربایجانین (او واختلار آلبانیانین) گُرجستان و ارمنستان لا هم سر حدّ بؤلگه سینده و ناخجیوان دا یاشاییردیلار.
قازاق- آغیستافا بؤلگه سینده و ایندی ارمنستانا عایید هم سر حدّ بؤلگه ده 7.5. جی عصر لره عایید ارمنی منبع لرینده کانقاراک کیمی یازیلان ایالتین آدی چکیلیر بوتون اورتا عصرلر بویو کنگرلر اورادا یاشامیش و 1766. جی ایلده گُرجی حاکیمیّت ینه بویون اَیمییَرَک بیر نئچه قازاق ائللریله بیرلیکده قاراباغا کؤچموشلر.
542-552. جی ایللر آراسیندا باش وئرمیش سیاسی حادثه لرده کنگر لرین آدی هم ده ناخجیوان دا معلوم دور.
بوتون اورتا عصرلر بویو ناخجیوان دا کنگرلر بؤیوک طایفا بیرلشمه سی ایدی.
اونلارین بیر حصّه سینی پناه علی خان 18. جی عصرده قاراباغا کؤچ ورموشدو.
19. جو عصرین اوّللرینده ناخجیوان دا 920 عاییله دن عبارت اولان کنگرلر چوخلو قوللاردان و تیره لردن عبارت ایدیلر.
1988. جی ایله قدر ارمنستاندا بیر سیرا یاشامیش منطقهسی آدلاری کنگرلرین قوللارینین و تیرهلرینین آدلارینی عکس ائتدیریردی.
ناخجیوان اراضیسینده کنگرلرله باغلی اتنوتوپونیملر چوخدور.
کنگرلر له ملّی منسوبیّت جه باغلی دیگر قدیم تورک منشألی خالق پئچئنئق دیر.
جنوب شرقی اروپا چؤللرینده یاشامیش تورک طایفالاریندان دانیشان 10. جو عصره عایید منبع ده آچیق یازیلیر کی، پئچئنئق لرین بیر حصّه سی کنگر آدلانیر.