Mohammad Ali Farzaneh-Lar memory
محمد علی فرزانه-خاطره لر ایچینده‌کیلر
اؤن سؤز 7
محمد علی فرزانه-خاطره لر دفتریندن 15
آنامدان خاطره‌لر 17
آتامدان خاطره‌لر 24
مدرسه‌دن خاطره‌لر 28
مدرسه‌دن خاطره‌لر: 36
مدرسه‌دن سونرا کی خاطره‌لر: 64
مدرسه‌دن سونرا کی خاطره‌لر: 98
وارلیغیمیز اوغروندا خاطره‌لر/ توققوشمالار و چارپیشمالار: 107
محمد علی فرزانه-خاطره لرین اؤن سؤزو
اوستاد فرزانه و ادبی ارثی بیر باخیشدا
یاشیمین آز اولدوغونا گؤره، من ده بیر چوخلاری کیمی انقلابدان سونرا آنا دیلیمیزه ماراقلی اولوب، بو دیلده الیمه دوشن کتاب، روزنامه، درگی و سایره نی ماراقلا و گاهدان زیققونا-زیققونا اوخویوب حظ آپاراردیم.
منیم او گونلرده اوخودوغوم کتابلاردان رحمتلی شبسترلی میرزه علی معجزون، (بو شاعیر حاقدا آتام دونه -دونه تعریف -تمجید ائده‌ردی.
او دئییردی، من گنج چاغلاریمدا معجزون شعرلرین سئوه -سئوه اوخوموشام، آنجاق ایندی الیمه کئچیرده بیلمیره‌م). شانسدان بیر گون باجیم اری اونون تیکه -پارچا بیر شعر دیوانین بیزه چاتدیردی بی ریانین شعرلری، ابوالقاسم لاهوتی، سهند، حبیب ساهر ایله باشقالاری و نهایت سؤز مولکونون شهریاری آدلانان رحمتلی اوستاد شهریارین شعرلری، خصوصی‌ایله، «حیدربابایا سلام» ایدی.
شهریارین شعرلرینی اوخودوقدا بیر چوخ یئرلرینده بعضی گورکملی شخصیت‌لردن ایستر ـ ایسته‌مز آد آپاریلمیش‌دیر.
بونلاردان بیر سیراسی منه تانیش اولموش‌سالاردا، بیر سیرالاری او گونلر تانینمامیش ایدی‌لر.
اونا گؤره، بعضی عالیم‌لردن اونلارین آدلارینی سورشماق منجه چوخ یئرلی- یاتاقلی ایدی.
هله او گون منیم اوچون تزه تانیش اولان، باشقا سؤزله نابلد آدلاردان بیریسی ده «فرزانه» آدی ایدی. (محمد علی فرزانه-خاطره لر)
من بو آدلا برابر، بیر سیرا باشقا آدلارا اوستاد شهریارین:
تورکو بیر چشمه ایسه من اونو دریا ائله دیم
بیر سویوق معرکه نـی محشر کبـرا ائله دیم
بیر ینجی بیت‌لی شعری ایله تانیش اولوب، داها سونرا کی بیت‍لرینده اوخودوم:
باخ کی تهراندا نه «فرزانه»لر اولموش «واله»
باخ کی تبریزده نه شاعیرلری «شیدا» ائله دیم.
بو شعرده فرزانه کیم اولا بیلر؟
بو سورغویا چوخ چکمه‌دن جاواب تاپیب دوشوندوم کی، بو همان اوستاد محمدعلی فرزانه‌‌دیرکی، تهراندا یاشاییر و ادبیاتیمزا دوغرودان- دوغروسو جاندان مایا قویانلاردان اولموشدور.
گنج چاغلاریندا آنا دیلیمیزی مدافعه ائتدیگینه خاطر، دانلاقلار ائشیتمیش، کؤتک یئمیش، دوستاغا دوشموش، سؤرگون اولموش و … اما بونلارا باخمایارق، بئلنچی گونلرین سیناغیندان بیر باشی اوجا مبارز کیمی چیخمیش، اؤز ایشینه دوام وئریب، آنلی آچیق یاشامیش‌‌‌‌‌‌‌‌‌‌‌دیر.
اوستاد محمد علی قوسی کی داها آرتیق فرزانه آدی ایله تانینمیشدیر، گونش ایلی 1302 اینجی ایلده ناییب اکبر آدلی بیر نجیب هابئله دوزوملو آتانین و ماهروخ آدلی بیر آنانین ایلک اوغلان اوشاقلاری کیمی تبریزین چای قیراغیندا آنادان اولموشدور.
«آتاسی مشروطه نهضتینین ایشتراک‍چیلاریندان ایدی. آناسی ساوادسیز بیر قادین اولسادا، گؤزل ائل ادبیاتی بیلیجیسی ایدی»
گنج محمّدعلی گؤزونو آچاندان دونیا مالیندان بیر شئی گؤرمه‌سه‌ده، آنجاق بؤیوک بیر شانس اونا یار اولموشدور.
او دا آناسی ایدی.
آخی اونون دئدیینه گوره آناسی دیلیمیزین بیر ایتگین خزینه‌لریندن هابئله سینه دفتر‌لریندن ایدی و اوستاد فرزانه، دئمک عالیم‌لیک پایینی ائله آناسیندان آپارمیشدی.
اوستادین بو یوردوقلارینین اساسیندا «آناسی علم و تحصیل‌دن، مکتب‌‌‌‌‌‌‌‌‌‌دن و کتابلاردان اوزاق بیر کند قیزی اولدوغو حالدا، سینه‌سی سانکی زنگین خزینه‌ایدی.
«محمد علی فرزانه-خاطره لر»
خالق داستانلارینی، افسانه و ناغیل‌لاری، خالق نغمه‌لرینی، لطیفه و تاپماجالاری اوره‌یه یاتان توتوملو سسله، آوازلا کورپه‌لرینه سؤیله‌ین بو جفاکش انسان هئچ اؤزوده بیلمه‌دن اوولادلارینین دونیا گؤروشونو فورمالاشدیریر.
اونلاری آنادیلی، فولکلورو و شیفاهی خالق اینجی لری روحوندا کوکله ییردی … اوستاد فرزانه بو گونکو موقعی معنویاتی، دویوم دونیاسی اوچون آناسینا منت‌دارلیق دویغوسو ایله خاطیرلاییر.
آنام آغیر یاشایشیمیزدان چتین گون ـ گذراندان بعضاً بئزیکردی. بو اوزونتولری اوخودوغو بایاتی، آغی، خالق ماهنی‌لارینادا چکردی.
بیز اونون کدرلی سسله اوخودوغو بئله نغمه و بایاتی لارینی کندده یاشایان قوهوم اقرباسیندان، عائله عضولرینده‌ن گوزله‌نیلمز غافل خبرلر آلاندادا ائشیدردیک.
بعضاً اوندان سوروشاردیم کی، بو قدر سؤز -صحبتی سن هاردان، کیمدن اؤیره‌نمیسن؟ معنالی، معنالی باخار و دئییردی:
